'பார்ப்பனர்கள் ஆதிக்கம் செலுத்தியதில்லை!'

இணையத்தள வாசகர்களுக்கு நன்கு அறிமுகமான எழுத்தாளர் அரவிந்தன் நீலகண்டன். தமிழ்பேப்பர் டாட் நெட்டில் இவர் எழுதிய கட்டுரைகளின் தொகுப்பு, நம்பக்கூடாத கடவுள் என்னும் பெயரில் கிழக்கில் வெளிவந்துள்ளது. இவரது சமீபத்திய நூல், Breaking India. ராஜீவ் மல்ஹோத்ரா என்பவருடன் இணைந்து இந்நூலை அரவிந்தன் எழுதியிருக்கிறார்.

இந்தியாவின் ஒருமைப்பாடு மூன்று முக்கியச் சக்திகளால் அச்சுறுத்தலுக்கு உள்ளாகிக்கொண்டிருக்கிறது என்கிறார் அரவிந்தன்.

1) பாகிஸ்தானுடன் தொடர்புடைய இஸ்லாமிய அடிப்படைவாதம்.

2) சீனாவின் ஆதரவுடன் செயல்படும் மாவோயிஸ்டுகள் மற்றும் புரட்சிகர மார்க்சிஸ்டுகள்.

3) திராவிட மற்றும் தலித் அடையாளத்துடன் செயல்படும் பிரிவினைவாதிகள். இவர்கள் மேற்குலக நாடுகளின் அரவணைப்புடன் செயல்படுபவர்கள்.

நேற்று கிழக்கு அலுவலகத்துக்கு வந்திருந்த அரவிந்தனுடன் அவரது புதிய புத்தகம் குறித்து உரையாடும் வாய்ப்பு கிடைத்தது. அந்த உரையாடலின் ஒலிவடிவை கீழே அளிக்கிறேன்.

அரவிந்தன் நீலகண்டனுடன் ஓர் உரையாடல்

வேத காலம், மநு, இந்து மதம் பற்றிய அம்பேத்கரின் பார்வை என்று உரையாடல் பல விஷயங்களைத் தொட்டுச சென்றது.

திராவிட இயக்கத்தினரும் பெரியாரிஸ்டுகளும் இடதுசாரிகளும் சொல்வது போல் இந்தியாவில் பார்ப்பனர்களின் ஆதிக்கம் ஒருபோதும் இருந்ததில்லை என்கிறார் அரவிந்தன். அதற்கான காரணங்களையும் அவர் முன்வைத்துள்ளார்.

பரவலான விவாதத்துக்கு உதவும் என்பதால் அந்த உரையாடலை அவர் அனுமதியுடன் இங்கே பகிர்நதுகொள்கிறேன்.